GSHAYO

 

Leo naanza kwa kuweka bayana hili, ifahamike dhahiri kuwa sina maana ya kutaka kuzuia au kushiriki katika kuhakikisha watu wananyimwa ajira na 'wajasiliamali wapya' bali ieleweke nia yangu ni kuwajuza waajili wapya namna ya watu wanaoweza kuwafaa katika biashara zao kuanzia hatua za mwanzo wa biashara zao.

Biashara inayoanza inafanana sana mtoto mdogo anayehitaji uangalizi mkubwa sana,kwa mtoto wazazi ujitahidi sana kumwangalia mtoto kwa umakini na ukaribu sana...kwa upande wa biashara zinazoanza,kwa hapa kwetu Tanzania nimebaini kwa kutumia utafiti usiyo rasmi kuwa wenye biashara wengi ni wale walioajiriwa sehemu nyingine,yaani wanaichukulia biashara kama kipato B katika maisha yao.

Wale wanaochukulia biashara zao kama Kipato B wanakawaida ya kufanya maamuzi ya watu wanaowaajili bila kuzingatia mambo mengi,si wao tu hata wale ambao wanategemea biashara zao kama chanzo kikuu cha mapato wanapaswa kufahamu mambo kadha wa kadha kuhusu watu wakuajiri.

Wajasiliamali wanatakiwa kufahamu kuwa si kila mtu anastahili kuajiliwa katika nafasi fulani,watu wenye vitu vifuatavyo wanafaa sana kuajiliwa na wajasiliamali:

• Mtu anayejiamini,mwenye uwezo wa kuchukua maamuzi haraka
• Mtu mwenye kuwa na hali ya ujasiliamali (Entrepreneurship Spirit)
• Anayeweza kuvaa uhusika wa mteja
• Kuwa tayari kujitoa zaidi kwa mteja hata kuzidisha muda wake wa kazi
• Mtu mwenye kujali na kufahamu kuwa biashara hiyo ndiyo ajira yake,ikikuwa naye atakuwa kiuchumi
• Awe mtu mbunifu na mwenye uwezo wa kuziona fursa nyingine
• Awe mtu kuweza ku'interact na watu' na mwenye kuelewa kuwa wateja wanatofautiana
• Awe na tabia ya kutoa mrejesho wa vitu
• Awe 'mbaili' (Natural Economist)
• Awe mwenye kuweza kutimiza ahadi zake